Europe new map in 2035

Një hartë e hartuar nga një grup ekspertësh dhe analistësh të dalur nga CIA, GRU dhe burime të tjera gjeostrategjike bashkon tokat shqiptare në vitin 2035. Harta e publikuar në disa media amerikane dhe ruse nxjerrë në sipërfaqe bashkimin e Shqipërisë me Kosovën, pjesë të Maqedonisë, si dhe trevat shqiptare të Serbisë, Malit të Zi, etj, informon agjencia e lajmeve INA.

Në këtë hartë, Maqedonia mbetet me një pjesë të tkurrur të kufijve të saj, pa një pjesë të territorit të Maqedonisë Perëndimore. Harta nuk pasqyron tkurrje të kufirit jugor, lindor dhe verior.
Analiza dhe studimet për përgatitjen e hartës janë bazuar në analiza dhe studime speciale të shërbimeve prestigjioze amerikane dhe ruse si CIA
dhe GRU, por edhe nga burimet e rëndësishme të institucioneve ndërkombëtare që merren me studime gjeostrategjike, punimet e Zbignew Brzezinski, Samuel Huntington, etj.

Harta e përgatitur parashikon edhe ndarjen e Bosnjë - Hercegovinës ndërmjet Kroacisë dhe Serbisë. Ndarjet e reja do të trondisin edhe Evropën. Ndryshimet territoriale do të fillojnë në Ishujt Britanik, ku Skocia do të deklarojë pavarësinë pas referendumit në vitin 2013. Kjo do t'i japë shtysë për bashkimin e Irlandës.